~Hanan

يغمرني الحنين الى الماضي
اتمنى لو اعود يوماً، يوماً واحداً
اشتقت لأن اكون محاطه بزميلاتي
اشتقت لأن اراهم كل يوم
كم اتمنى لو تعود تلك الايام للحظات

اشتقت لاشخاص لم يعودوا كما كانوا
اشخاص سرقتهم مني الحياة

تابع القراءة

الحمد لله، انتهى الفصل الدراسي الثاني بنجاح وبمستوى اعلى من المتوقع..
بصراحه، لو الجامعه ما نزلت لنا نظام الواجبات وتسجيل حضور المحاضرات ما اظن كنت اوصل للمستوى هذا.. مسألة اني اضمن ٣٠ درجة مريحة بشكل خيالي وتخليني اقدم الاختبار بثقه اكبر..
مو معناها ما ذاكرت، لا والله ذاكرت وتعبت اكثر من الفصل الماضي خصوصاً مع الرياضيات وان الدكتور كان يشرح لنا المعادلات والدوال بالانجليزي مش بالعربي، اني اجيب C في الرياضيات مع هذا الدكتور انجاااااااااااااز..
صحيح حسيت بالاحباط من بعد الـ+A في الفصل الاول، بس الحمدلله اللي خفف عني ان المعدل ارتفع كثير في الفصل هذا..

المحاسبة ما كنا نتوقع ابداً ان الدكتور يعطينا عدد اسئلة اقل ، كلنا توقعناها ٧٠ سؤال وتفاجأنا بـ٥٠ سؤال بس!! بعض الأسئلة كان عليه اكثر من درجه، بجد بجد كنت خايفه وانا اقدم الامتحان وشايله هم النتيجه واني اخذ فيه D مثل الفصل الأول، بس الحمدلله، شرح الدكتور كان رائع ومن النوع اللي تتذكره بسهوله..
اللي سويته وقت الاختبار اني حليت الاسئله السهله كلها أول، وتركت المسائل للأخير يعني ينقال اني امخمخ عليها
والحمد لله، نتيجه جداً رائعه !
تابع القراءة

السلام عليكم ورحمة الله وبركاته،
يسعد صباحكم،،

قبل ساعات بس كنت اتكلم مع قريبتي عن الدراسه وعن مسمّاها، طبعاً الموضوع وصلني منها، صحيت من النوم عشان اشوفها تكتب لي ان “المسمى للطلبة الجدد راح يكون “(تعليم عن بعد) او تعليم مطوّر، الله اعلم، المهم انّ المسمى راح يكون حاجه غير الانتساب.
هي متضايقة مرّه وزعلانه ومعترضه، ليه الطلبة الجدد يختلف المسمى لهم ونبقى (احنا الطلاب اللي تم تجربة مختلف الانظمة علينا) بمسمى انتساب.

اللي اعرفه واقراه لما ادخل للبلاك بورد او للخدمات الطلابيه هو (التعليم المطور للانتساب) والكلام اللي قاله لنا عميد الجامعه ان المسمى في الشهادة راح يكون “انتساب”. طيب الحين، وين المشكلة؟ وين الاختلاف اللي مسبب ازمة لكل الطلاب؟

في بداية السنه اعترضوا وطالبوا بالغاء كلمة “انتساب” من الشهادة بسبب ان بعض الاماكن لا تقبل شهادات الانتساب، والآن يطلبون من الجامعه ان الكل يكون بنفس المسمى؟
يا نكون كلنا تعليم عن بعد او نكون كلنا انتساب؟

خلونا نترك هالموضوع على جنب، طيب وجامعة الملك فيصل بالدمام والتي مسماها حالياً جامعة الدمام، جميع الطالبات اللي راح يتخرجون شهاداتهم راح تكون جامعة الدمام! وهم طول فترة دراستهم كانوا بمسمى طالبات جامعة الملك فيصل، ما سمعت انهم ما زالوا معصبين من الموضوع او انهم متضايقين!
اختي راح تتخرج هالسنه بإذن الله تخصص تمريض وصار الموضوع عادي جداً عندها، اهم شيء شهادة بكالوريوس، اهم شيء المنطقة كلها عارفه ان هالجامعه هي جامعة الملك فيصل سابقاً.

نرجع لموضوع المسمى، هل فيه اختلاف بين انتساب مطوّر وبين تعليم عن بعد؟
انا ما اشوف فيه اختلاف لأننا ندرس طوال الفصل الدراسي وفي نهاية السنة نروح نختبر في المقر اللي تحدده الجامعه لنا، غير كذا الفصل الدراسي هذا اصبح عندنا واجبات وتسجيل حضور للمحاضرات المباشرة ومشاركات في منتدى الحوار للمادة.
كأننا طالبات انتظام لكن الفرق ان بعضنا يشتغل ويدرس بالبيت وهم “الانتظام” يدرسون بس، لا واوقات محاضراتهم متعبه ومتفرقه وتطلع الشيب بالراس!

انا ما ادري ليه البلبله والعصبية والتوتر وكل هالكلام اللي ينكتب بالمنتدى والايميلات اللي تنرسل للعميد، الجامعة ما تسوي اي شيء الا وفيه مصلحة للطالب، لازم نكون واثقين من هالشيء.

بدأت احس بالبرود وتبلد الاحساس، هل هذا تأثير الجامعه؟

خلصت سنة جامعيّه ولله الحمد، اذا ما كان علي اي ماده طبعاً

ان شاء الله يعدّي هالترم على خير وانجح بكل المواد، ما راح اقول تعبت من الدراسه لأن توّ الناس توّها أول سنه تخلص، بس ودّي تخلص الدراسه بسرعه.

KFU Bring it on..!.

كونوا بخير

وُجوهٌ لَن نَستطِيعَ نِسيَانَها
لأنَّنا إلتَقَينَا بِهَا
فِي ظُروفٍ لَم نتَوَقَّعهَا

السلام عليكم،،

هذا الأسبوع كانت “العودة للمدارس” وما لم يكن بالحسبان هو “بدء الدراسة الجامعيّة” أيضاً.
تفاجأت قبل يومين بأن المحاضرات قد بدأت ‪‬
ليست محاضره لكل مادة فقط وإنما محاضرات تمهيديه ومحاضرات أولى وثانية أيضاً!
تخيّلوا، محاضرة ثانية ونحن ما زلنا في الأسبوع الأول فقط!!

كان من المفترض ان اقوم بتسجيل ٧ مواد كأغلب الطلبة والطالبات، ولكني رأيت ان من الأفضل ان ادرس ٥ مواد حتى اتمكن من رفع المعدل والحصول على درجاتٍ أفضل بإذن الله.
فمما قرأت في منتديات النقاش الخاصة بالجامعة ان المواد سهله وكغيرها من المواد تحتاج ألى تركيز.

إلى كل الطالبات والطلبة، تمنياتي لكم “و لي أيضاً”بالتوفيق والنجاح.

كونوا بخير

.

الانتظار مؤلم، وانتظار أمرٍ قد يحدث وقد لا يحدث مؤلمٌ أكثر..
كنت انتظر البدء بوظيفةٍ جديدة، ليست جديدة وإنما هي كالسابقة ولكنَّ المكان يختلف..
شعرت باحباطٍ شديد حينما لم يصلني أي رد منهم..
صحيح أني لن اخسر شيء وإنما ساكسب التركيز على الدراسة، ولكن الشعور بمسؤولية الوظيفة يختلف!

الشعور بأن هناك ما يستحق الاستيقاظ مبكراً يختلف كثيراً..
الدراسة بها من المسؤولية الشيء الكبير ولكنها تختلف عن الوظيفة، لأنها عن بعد!
كل ما احتاجه هو جهاز حاسب آلي واتصال بالإنترنت واكون قد حضرت محاضراتي جميعها..

أما الاستيقاظ مبكراً، الذهاب لمكان آخر، مقابلة أشخاص آخرين لها طعم وشعور آخر..
تذوقت ذلك الشعور، أعجبني كثيراً ..
للأسف، سافتقده هذه السنة ..

ستكون هذه السنة مرّةً كـ قَهوَتي

السلام عليكم،،
في الفترة الاخيرة كنت أمر بتقلبات مزاجية شديدة، لدرجه لم اكن اتوقعها من نفسي! وكنت اشعر بأن الكلام يتراكم بداخلي ولا استطيع ان ابوح به امام اي شخص..
حاجه للكلام حاجه للتعبير عن كل ما بداخلي، لكن عدم وجود الشخص المناسب امامي كان يجعلني اجمع بداخلي واضغط على نفسي اكثر من اللازم..

تابع القراءة

وصلني الواجب من الأخت العزيزة وعد ‪‬(ومآرب أخرى)
من اللحظه اللي وصلني فيها الواجب وانا أفكر، أسرار؟ أسرار !! وستة أسرار
بصراحه احترت كثير، لأن ما عندي شيء ممكن اصنفه كـ سرّ

‎الواجب يقول: اذكر اسم من مررها لك، واذكر ستة أسرار لا يعرفها الكثيرون عنك، وأخيراً تمرير التدوينة لستة مدونين آخرين‫.‬!

.

.

تابع القراءة